Dawat e Qalam دعوت قلم

اگر یہ کہہ دو بغیر میرے نہیں گزارہ، تو میں تمہارا یا اس پہ مبنی کوئی تاثر کوئی اشارا، تو میں تمہارا غرور پرور، انا کا مالک، کچھ اس قسم کے ہیں نام میرے مگر قسم سے جو تم نے اک نام بھی پکارا ، تو میں تمہارا اگر میں جیتا تو تم ہو میرے، اگر میں ہارا ، تو میں تمہارا تم اپنی شرطوں پہ کھیل کھیلو، میں جیسے چاہوں لگاؤں بازی تمہارا عاشق، تمہارا مخلص، تمہارا ساتھی، تمہارا اپنا ہمارا گردش میں ہے ستارا، ہے بات معمولی، سی یہ سمجھو رہا نہ ان میں سے کوئی دنیا میں جب تمہارا ، تو میں تمہارا کہ جونہی آئے گامیرے قابو میں یہ ستارہ ، تو میں تمہارا عامر امیرؔ یہ کس پہ تعویز کر رہے ہو؟یہ کس کو پانے کے ہیں وظیفے؟ تمام چھوڑو بس ایک کر لو جو استخارہ ، تو میں تمہارا

تم نے مجھ کو لکھا ہے، میرے خط جلا دیجے مجھ کو فکر رہتی ہے، آپ اُنہیں گنوا دیجے آپ کا کوئی ساتھی دیکھ لے تو کیا ہو گا دیکھیے میں کہتی ہوں، یہ بہت بُرا ہو گا ◌ میں بھی کچھ کہوں تم سے اے مری فروزینہ! زشکِ سروِ سیمینا! اے بہ نازُکی مینا! اے بہ جلوہ آئینہ! میں تمہارے ہر خط کو لوحِ دل سمجھتا ہوں لوحِ دل جلا دوں کیا سطر سطر ہے اُن کی، کہکشاں خیالوں کی کہکشاں لُٹا دوں کیا جو بھی حرف ہے اُن کا ، نقشِ جانِ شیریں ہے نقشِ جاں مٹا دوں کیا اُن کا جو بھی نقطہ ہے، ہے سوادِ بینائی میں اُنہیں گنوا دوں کیا لوحِ دل جلا دوں کیا کہکشاں لُٹا دوں کیا نقشِ جاں مٹا دوں کیا ◌ مجھ کو ایسے خط لکھ کر اپنی سوچ میں شاید جرم کر گئی ہو تم اور خیال آنے پر اُس سے ڈر گئی ہو تم جُرم کے تصور میں گر یہ خط لکھے تم نے پھر تو میری رائے میں جُرم ہی کئے تم نے اے مری فروزینہ! دل کی جانِ زرّینہ! رنگ رنگ رنگینا! بات جو ہے وہ کیا ہے؟ تم مجھے بتاؤ تو میں تمہیں نہیں سمجھا تم سمجھ میں آؤ تو جُرم کیوں کئے تم نے خط ہی کیوں لکھے تم نے؟ جونؔ ایلیا

مٹی سے بغاوت نہ بغاوت سے گریزاں ہم سہمے ہوئے لوگ ہیں ہمت سے گریزاں اک پل کا توقف بھی گراں بار ہے تجھ پر اور ہم کہ تھکے ہارے مسافت سے گریزاں اے بھولے ہوئے ہجر کہیں مل تو سہی یار اک دوجے سے ہم دونوں ہیں مدت سے گریزاں جا تجھ کو کوئی جسم سے آگے نہ پڑھے گا اے مجھ سے خفا میری محبت سے گریزاں اے زندہ بچے شخص یہ سب لے کے پلٹ جا ہم جنگ میں ہیں مال غنیمت سے گریزاں

پروین شاکر سبھی گناہ دھل گئے سزا ہی اور ہو گئی مرے وجود پر تری گواہی اور ہو گئی رفو گران شہر بھی کمال لوگ تھے مگر ستارہ ساز ہاتھ میں قبا ہی اور ہو گئی بہت سے لوگ شام تک کواڑ کھول کر رہے فقیر شہر کی مگر صدا ہی اور ہو گئی اندھیرے میں تھے جب تلک زمانہ ساز گار تھا چراغ کیا جلا دیا ہوا ہی اور ہو گئی بہت سنبھل کے چلنے والی تھی پر اب کے بار تو وہ گل کھلے کہ شوخی صبا ہی اور ہو گئی نہ جانے دشمنوں کی کون بات یاد آ گئی لبوں تک آتے آتے بد دعا ہی اور ہو گئی یہ میرے ہاتھ کی لکیریں کھل رہی تھیں یا کہ خود شگن کی رات خوشبوئے حنا ہی اور ہو گئی ذرا سی کرگسوں کو آب و دانہ کی جو شہ ملی عقاب سے خطاب کی ادا ہی اور ہو گئی پکارتے پکارتے صدا ہی اور ہو گئی علینا عترت پکارتے پکارتے صدا ہی اور ہو گئی قبول ہوتے ہوتے ہر دعا ہی اور ہو گئی ذرا سا رک کے دو گھڑی چمن پہ کیا نگاہ کی بدل گئے مزاج گل ہوا ہی اور ہو گئی یہ کس کے نام کی تپش سے پور پور جل اٹھے ہتھیلیاں مہک گئیں حنا ہی اور ہو گئی خزاں نے اپنے نام کی ردا جو گل پہ ڈال دی چمن کا رنگ اڑ گیا